जळगाव ( वास्तव पोस्ट ) : केसीई सोसायटीचे कॉलेज ऑफ इंजिनिअरिंग अँड मॅनेजमेंट महाविद्यालयात द्वितीय, तृतीय आणि चतुर्थ वर्ष अभियांत्रिकी, इलेक्ट्रिकल व मेकनिकल विभागाच्या विद्यार्थ्यांकरिता शिक्षक-पालक सभेचे आयोजन करण्यात आले होते. सदर सभेस विद्यार्थी आणि पालकांनी उत्स्फूर्तपणे प्रतिसाद नोंदविला. यावेळी चालू शैक्षणिक सत्रात झालेल्या अभ्यासक्रमावर घेण्यात आलेल्या घटक चाचणीत विद्यार्थ्यांनी लिहिलेले पेपर व त्यांनी संपादन केलेले गुण दाखवून त्यावर चर्चा करण्यात आली, तसेच गुणांचे व विद्यार्थ्यांच्या शैक्षणिक समस्यांचे निरसन करून मार्गदर्शन करण्यात आले.
शिक्षक पालक सभेत सबंधित विषय शिक्षकाने विद्यार्थी व पालक यांच्या समस्या जाणून घेतल्या व त्या समस्या दूर करण्याचा प्रयत्न केला. ट्रेनिंग अँड प्लेसमेंट विभागातर्फे विद्यार्थ्यांना उपलब्ध असलेल्या नोकरीच्या संधी, महाविद्यालयातून विद्यार्थ्यांची निवड याबद्दल माहिती देण्यात आली. महाविद्यालयाचे प्राचार्य डॉ. संजय सुगंधी, अकॅडमिक डीन डॉ. सी.एस. पाटील, ऍडमिनिस्ट्रेटिव्ह डीन प्रा.गणेश पाटील, इलेक्ट्रिकल विभाग प्रमुख प्रा.प्रसाद कुलकर्णी, मेकॅनिकल विभाग प्रमुख प्रा.समाधान खैरे, यांनी पालकांशी सवांद साधत मार्गदर्शन केले.
शिक्षक पालक सभेला पालकांनी मोठ्या प्रमाणात सहभाग नोंदविला. सदर शिक्षक पालक सभेला वर्गशिक्षक, प्राध्यापक वृंद, शिक्षकेतर कर्मचारी उपस्थित होते. पालक सभेचे आयोजन प्रा.आर.एस. गुल्हाने यांनी केले.
