जळगाव ( वास्तव पोस्ट ) : के.सी.ई. सोसायटीचे कॉलेज ऑफ इंजिनिअरिंग अँड मॅनेजमेंट महाविद्यालयात प्रथम वर्ष अभियांत्रिकीच्या विद्यार्थ्यांकरीता आज दि.९ रोजी शिक्षक-पालक सभेचे आयोजन करण्यात आले. आजच्या या सभेस विद्यार्थी आणि पालकांनी उत्स्फूर्तपणे प्रतिसाद दिला.
नुकतेच कॉलेज सुरु होऊन अभ्यासक्रमावर प्रथम घटक चाचणी घेण्यात आली. त्यात विद्यार्थ्यांना मिळालेल्या प्रत्येक विषयाचे पेपर दाखवून मिळालेल्या गुणाचे व विद्यार्थ्यांना होण्याऱ्या शैक्षणिक समस्यांचे निरसन करून मार्गदर्शन करण्यात आले.
प्रत्येक विषय शिक्षकाने विद्यार्थी व पालक यांच्या समस्या जाणून घेतल्या व त्या समस्या दूर करण्याचा प्रयत्न केला. महाविद्यालयाचे प्राचार्य डॉ.संजय सुगंधी, अकॅडमिक डीन डॉ. प्रज्ञा विखार, प्रथम वर्ष अभियांत्रिकी विभाग प्रमुख प्रा.के.बी. पाटील यांनी पालकांशी सवांद साधला आणि योग्य मार्गदर्शन केले.
शिक्षक पालक सभेला विषय शिक्षक प्रा.पूजा मराठे, प्रा.मधुमती अहिरराव, प्रा.दिनेश अहिरराव, प्रा.विजय चौधरी, प्रा.कल्पना राठोड, प्रा.डॉ. एस.आर. पाटील, प्रा. स्वाती बाविस्कर व प्राध्यापक वृंद, शिक्षकेतर कर्मचारी उपस्थित होते.
