कजगाव दि.२ ( प्रतिनिधी )–
महाराष्ट्र शासनाने मराठा समाजाला मराठा आरक्षणाअंतर्गत सगेसोयरे या धरतीवर मराठा समाजाला कुणबी प्रमाणपत्र देण्याचे अध्यादेशानुसार आश्वासित केले आहे. यामुळे ओबीसीमध्ये भीतीचे वातावरण निर्माण झाले असून आपला हा निर्णय मूळ ओबीसींवर अन्याय करणारा आहे ,अशा व विविध हरकतीचें निवेदन गुरुवारी आमदार किशोर पाटील व भडगाव तहसीलदार मुकेश हिवाळे यांना भडगाव तालुका समता परिषद व ओबीसी बांधवांतर्फे देण्यात आले. या वेळी समता परिषद तालुका अध्यक्ष भानुदास महाजन, साहेबराव महाजन, शिवदास महाजन, सुनील महाजन, नितिन महाजन, दिनेश पाटील, संजय पवार, देवीदास महाजन, अशोक परदेशी, बापू सोनवणे, सोपान चौधरी आदी उपस्थित होते.
