जळगाव ( वास्तव पोस्ट न्यूज ) : येथील गांधी रिसर्च फाऊंडेशनच्यावतीने भारतातील शिक्षणासमोरील आव्हाने या विषयावर चर्चासत्राचे आयोजन करण्यात आले आहे. या चर्चासत्रात तरुण शांती सेनेचे माजी राष्ट्रीय अध्यक्ष अशोक भार्गव, गुजरात इन्स्टिट्यूट ऑफ डेव्हलपमेंट रिसर्चचे माजी संचालक डॉ. लीला वसारिया, सेंटर ऑफ एक्सलन्स इन टीचर एज्युकेशनचे व्याख्याता डॉ. विकास मणियार व हॅडलबर्ग विद्यापीठ जर्मनीच्या माजी इतिहास विभाग प्रमुख डॉ. गीता धर्मपाल सहभागी होणार आहेत. चर्चासत्राचे संचालन गुजरात विद्यापीठाचे माजी कुलगुरु डॉ. सुदर्शन आयंगार करणार आहेत.
भारतातील शिक्षण क्षेत्रासमोर आगामी काळात येणाऱ्या संभाव्य आव्हानांसोबतच त्यावरील उपाय योजनांबाबत चर्चासत्रात खुली चर्चा करण्यात येणार आहे. मंगळवार, दि.१६ जुलै २०२४ रोजी संध्याकाळी ४ ते ५.३० वेळात गांधीतीर्थ, जैन हिल्स येथे आयोजित या चर्चासत्रात शिक्षण तज्ज्ञ, शिक्षक तसेच शिक्षणशास्त्र महाविद्यालयाचे विद्यार्थी यांनी मोठ्या संख्येने उपस्थित रहावे असे आवाहन गांधी रिसर्च फाऊंडेशनच्यावतीने एका प्रसिद्धीपत्रकाद्वारे करण्यात आले आहे. या चर्चासत्रात मान्यवरांसह उपस्थितांनाही चर्चेत सहभागी करून घेण्यात येणार असून त्यांचे शंका समाधान करण्यात येणार आहे.
