मुंबई l वास्तव पोस्ट वृत्तसेवा
राष्ट्रवादी काँग्रेस पक्षाच्या (अजित पवार गट) प्रमुख नेत्या रुपाली चाकणकर यांनी पक्षाच्या महिला प्रदेशाध्यक्ष पदाचा राजीनामा दिला आहे. हा राजीनामा उपमुख्यमंत्री व राष्ट्रवादी काँग्रेसच्या राष्ट्रीय अध्यक्षा सुनेत्रा पवार यांच्याकडे फोनवर चर्चा करून सादर केल्याची माहिती पक्ष सूत्रांनी दिली आहे. रुपाली चाकणकर यांनी एक्स (ट्विटर) वर दिलेल्या पोस्टमध्ये स्पष्ट केले की, “आज सकाळी आदरणीय सुनेत्रा पवार वहिनी यांच्याशी झालेल्या चर्चेनुसार मी माझ्या राष्ट्रवादी महिला काँग्रेस प्रदेशाध्यक्षपदाचा राजीनामा देत आहे. त्याचा आपण स्वीकार करावा.” असे या पोस्टमध्ये म्हटले आहे.
पार्श्वभूमी: खरात प्रकरणाने निर्माण झालेला वाद
रुपाली चाकणकर यांचा हा राजीनामा नाशिकच्या कॅप्टन अशोक खरात (भोंदूबाबा) याच्या बलात्कार व लैंगिक शोषणाच्या प्रकरणाशी संबंधित आहे. खरात याच्यावर अनेक महिलांनी गंभीर आरोप केले असून, त्याच्या अटकेनंतर चाकणकर यांचे खरात याच्यासोबतचे जुने फोटो व व्हिडिओ व्हायरल झाले. यामुळे राज्य महिला आयोगाच्या अध्यक्षा पदावरून त्यांना आधीच राजीनामा द्यावा लागला होता (२० मार्च २०२६). मुख्यमंत्री देवेंद्र फडणवीस यांनी प्रत्यक्ष भेट घेऊन राजीनाम्याची सूचना दिल्याचे सांगितले जात
खरात प्रकरणानंतर पक्षातील दबाव वाढल्यानंतर निर्णय
राजीनाम्यानंतरही चाकणकर यांच्यावर पक्षांतर्गत आणि विरोधकांकडून सातत्याने दबाव वाढत होता. राष्ट्रवादी काँग्रेसच्या आमदारांनी देवगिरी बंगल्यावर झालेल्या बैठकीत चाकणकर यांच्या वर्तणुकीमुळे पक्षाची प्रतिमा मलीन होत असल्याचे स्पष्टपणे सांगितले होते. आमदारांनी सुनेत्रा पवार यांच्याकडे चाकणकर यांचा राजीनामा घेण्याची मागणी केली होती. पक्षातील एकमत झाल्यानंतर हा निर्णय घेण्यात आला.
पक्षातील प्रतिक्रिया
पक्षाची अंतर्गत एकजूट कायम ठेवण्यासाठी कसरत
राष्ट्रवादी काँग्रेसने महिला प्रदेशाध्यक्षपदासाठी नवीन नेमणूक लवकरात लवकर करण्याचे संकेत दिले आहेत. या प्रकरणामुळे महायुती सरकारमधील राष्ट्रवादी काँग्रेसला राजकीयदृष्ट्या काही प्रमाणात धक्का बसला असून, पक्षाची अंतर्गत एकजूट कायम ठेवण्यासाठी सुनेत्रा पवार यांच्यावर जबाबदारी वाढली आहे.
