मुंबई दि. ०८ ( वास्तव पोस्ट न्यूज़ ) मुख्यमंत्री यांच्या उपस्थितीत महाराष्ट्र राज्य राजपत्रित अधिकारी महासंघाचा ३८ वा वर्धापनदिन उत्साहात साजरा करण्यात आला. महासंघाने केलेल्या मागण्यांबाबत शासन सकारात्मक असून त्या लवकरच पूर्ण केल्या जातील. महासंघाच्या कल्याण केंद्रासाठी आवश्यक तो निधी देण्याबरोबरच जुन्या निवृत्ती वेतन योजनेबाबत येत्या अधिवेशनात सकारात्मक निर्णय घेण्यात येईल, असे मुख्यमंत्री श्री. शिंदे यांनी जाहीर केले.
कोकण विभागीय आयुक्त महेंद्र कल्याणकर, जिल्हाधिकारी राजेंद्र क्षीरसागर, राजेंद्र भोसले, महासंघाचे मुख्य सल्लागार ग. दि. कुलथे, अध्यक्ष विनोद देसाई, सरचिटणीस समीर भाटकर, कोषाध्यक्ष नितीन काळे, कल्याण केंद्र समन्वयक सुदाम टाव्हरे यांचेसह विविध विभागांचे वरिष्ठ अधिकारी, महासंघाचे सदस्य उपस्थित होते.
